«عايزين رئيس ميضحكش علينا ونصحى نلاقى نفسنا فى كابوس كبير منقدرش نفوق منه، وكمان نفسى أتجوز»، بهذه الكلمات بدأ جودة رجب عبدالحميد، عازف متجول بالمزمار، حديثه إلى الرئيس القادم. وأضاف: «لو طلع مش كويس هتستمر مشاكل المرحلة الانتقالية، وكأن قدر الشعب الغلبان أنه يتنقل من حكومة لأخرى ومن دستور لآخر ومن رئيس للتانى، إلى ما لا نهاية، ونعيش فى دوامة ملهاش آخر، واحنا مستعدين نستحمل بس نلاقى حد خايف على الناس فعلا مش شعارات وخلاص».
وتابع: «احنا عايزين الرئيس القادم يفتح للشعب طاقة نور، يقدر يرجع الناس تشوف الدنيا من تانى.
وأوضح جودة أن عمره 22 سنة، وقال: «مش طالب غير الستر وأنا دبلوم صنايع قسم غزل ونسيج ونفسى أتزوج وألاقى وظيفة محترمة بدل ما أنا بلف وبدور على الأفراح ومعاى مزمارى يومين فى الأسبوع الخميس والجمعة بلف على محلات الدهب علشان أفرح الناس وآخد ملاليم، خاصة أن المهنة دى فى سبيلها للانقراض خاصة مع ظهور الأجهزة الحديثة زى الـ(دى جى)».
المصدر : msn اخبار مصر
0 التعليقات:
إرسال تعليق